背包旅行進階錦囊:5招慳錢看世界

By team gini on August 28, 2019

「出到嚟做嘢,就好難攞咁長假期去旅行啦!」

本著呢個心態,好多大學生都想趁讀書幾年去旅行去到盡,一於趁青春用自己雙眼「見吓世面」。而最熱門的行程,係兩、三個月背遊歐洲大陸。

以下5招係我以$140/日淨支出,完成460日背遊的慳錢精讀(進階版): 

gini blog - 背包旅行進階錦囊:5招慳錢看世界

1/坐過夜車 慳住宿慳時間

歐洲最貴就係住!我坐車遊西歐、穿越巴爾幹半島,橫越俄羅斯,坐過夜巴士、火車,幫我慳多晚住宿費!

gini blog - 背包旅行進階錦囊:5招慳錢看世界

(照片由作者提供)

舉例我由盧森堡坐通宵巴士去法國巴黎,凌晨12點上車,朝早7點到埗,只需HKD$150。相反,日間車費分分鐘要雙倍價錢。慳咗時間(瞓一覺就到,日頭繼續玩),又慳返一晚住宿(法國、盧森堡 Hostel 住宿平均 HKD$200 / 床位,酒店更貴)。

惟有得必有失,要做好心理準備,未必有覺好瞓! 

gini blog - 背包旅行進階錦囊:5招慳錢看世界

2/ 外出午餐 

如果你不想餐餐留在 Hostel 煮飯,「出街食」花費都唔少。我的策略是 Focus on Lunch:我會選擇午餐出街食,晚餐自己煮,因為外出午餐一般比外出晚餐便宜。

gini blog - 背包旅行進階錦囊:5招慳錢看世界

(照片由作者提供)

份量多的話,更可以 take away,留待晚餐再食,又慳一餐。既經濟實惠,又能品嚐異國風情,晚上自己煮或者食少啲又健康,一舉三得。

gini blog - 背包旅行進階錦囊:5招慳錢看世界

3/ 考慮冷門國家 

歐遊熱門倫敦巴黎,人人追捧。但經濟學最顯淺道理「供應 vs 需求」:愈出名、愈多人去,衣食住行自然愈貴。世界這麼大,大把滄海遺珠,雖然冷門,但平靚正,物價平一大截,適合想「打持久戰」的你!

gini blog - 背包旅行進階錦囊:5招慳錢看世界

(照片由作者提供)

例如我在波蘭住 hostel $70/晚,衛生舒適;倫敦 $180/晚,卻擠逼惡劣床貼床。嘗試走非主流路線,說不定更多意外收穫。 我的冷門推介包括:波蘭、匈牙利、巴爾幹半島、土耳其、摩洛哥、俄羅斯、越南、柬埔寨等。 

gini blog - 背包旅行進階錦囊:5招慳錢看世界

4/ 日行一萬步 

我用 80日由希臘坐車返香港,遊走 20+城市,每一站,我都以走路為主,平均日行一萬步,甚至二萬步。

gini blog - 背包旅行進階錦囊:5招慳錢看世界

(照片由作者提供)

我常常參加 free walking tour,了解歷史文化,參觀後自由打賞;又或者帶著相機,穿梭大街小巷,將鄰近景點集中同一天遊覽,由朝行到晚,攰就坐公園歇一歇。雖然攰,但免費,省下市內交通費,小數怕長計。而且如此深度遊路線,是你專屬的,是獨一無二的,自由無價。 

gini blog - 背包旅行進階錦囊:5招慳錢看世界

5/ 珍惜回憶 多於物質 

gini blog - 背包旅行進階錦囊:5招慳錢看世界

圖片來源: @andrewtneel

除了「食、住、行」,對於購物、娛樂方面,我的消費心態是:把錢花在創造回憶、經歷,多於購買紀念品。

例如我選擇慳幾天飯錢,洗一場土耳其浴、走上聖彼得堡的天台做 Rooftopper、跟其他 backpackers 去隱世小島浮潛等,件件深刻難忘,卻很少很少買紀念品。

一來買得愈多,行李愈重,二來未必實用。以前我是購物狂,但背遊多年後,漸漸發現,回憶比物件更經得起時間的洗禮、更珍貴、更細水長流。

 

長途背遊或窮遊,不一定苦行、不一定勒緊肚皮,卻是一場鍛練「用得其所,精明消費」小智慧的 RPG

作者:

廚職背遊 梁芷靈

廚職背遊 460日:何文田坐車到新加坡、德國工作假期、希臘坐車返香港、西伯利亞鐵路。《經濟通》DIVA Channel、《gini》智能理財平台專欄作者。曾赴英國留學、英國廣播公司工作。下個計劃:去英國做老闆!

gini blog - 背包旅行進階錦囊:5招慳錢看世界

關於gini

智能理財應用程式gini旨在幫助用戶輕鬆追蹤銀行帳戶的一分一毫。gini透過其銀行級保安系統,自動整合世界各地銀行戶口及信用卡。無論你身在何方,gini助你隨時隨地重新審視其財務狀況。gini現可於Apple App Store 及 Google Play Store下載。


智能、簡單、安全。輕鬆掌握您的理財收支狀況!
Apple AppstoreGoogle Play Store