Smart Living

【精打細算】過來人分享:想請陪月必問呢5個問題!

gini | November 13, 2018

不少準媽咪想請陪月都會選到唔少問題,始終陪月呢一行都幾靠口碑,加上金額唔細之餘,又要預早至少六至七個月預訂,一不小心請咗個唔專業嘅陪月,可以搞到家無寧日,大大增加新手媽媽嘅壓力,影響休息。以下就有幾條問題喺大家請陪月之前要留意:

1. 我究竟負唔負擔到請陪月?

依家一般請一個每日工作9個鐘嘅陪月大約2萬蚊,當然價錢有平有貴,一些星級過夜嘅陪月可以索價5萬,地區偏遠可能會有附加費,而大家要留意坐月嘅買餸錢係另計,以我為例,一個月嘅陪月費要大概$2,7000埋單。如果各位準媽咪計劃請兩個月的陪月,就要更加做好理財預算這隨時係一筆大支出

2.媽咪或者奶奶會唔會幫手坐月?

簡單嚟講人多自然意見多,如果媽咪或者奶奶自動請纓幫手做陪月,我勸大家都係唔使請陪月。一嚟代表媽咪同奶奶好得閒,到時一定會幫手, 亦會對湊BB同坐月餐單有好多意見,為免到時手心又肉、手背又肉,影響屋企人關係,倒不如請媽咪或者奶奶幫手。

3.陪月同自己嘅性格夾唔夾?

強烈建議準媽咪要叫埋老公一齊見陪月,透過面試了解陪月嘅性格,究竟佢係好平易近人,還是非常堅持己見嘅陪月。試想想,屋企有8個鐘多咗個人係度,仲要用您嘅廚房、廁所同睡房,媽咪同屋企人都需要時間去磨合同相處。另外,建議準媽媽不能對家裡的大小事務過份執著,切記坐月的最大目的是養好身體,迎接未來陪BB成長嘅路。

4.陪月係咪朋友介紹?

有口碑嘅陪月當然是最理想的,媽咪可以從其他人口中略知陪月嘅性格、習慣同埋強項,大家有咗expectation 當然會比較易相處。例如,有些陪月對食療非常有究竟, 閒時大家交流下養生美容嘅方法,概可以學嘢,又可以增進下感情。

5.陪月係新派定舊派方法坐月?

部份較老派嘅陪月對一些老傳統非常執著,例如坐月唔可以沖涼洗頭,只可以用薑水抹身,十二朝、滿月有儀式等。若果家中老人家都傾向較為傳統,可能舊派陪就會較為適合。相反,若果陪月係較為新派,坐月著重排走惡露多過進補,相信到時必定會惹起老人家嘅不滿。

坐月絕對係一次過向新手媽媽嘅耐性、體能同人際關係挑機,但回想返BB一日一日咁長大,所有辛苦同困難都係值得㗎。希望大家可以揀到個幫到手又可靠嘅陪月。

 

Comments
4 comments
  • Brandie Brandie 2 週 ago

    I'm not easily impsesred but you've done it with that posting.

  • Mattingly Mattingly 2 週 ago

    So excited I found this article as it made things much quirkec!

  • Kaleigh Kaleigh 2 週 ago

    Great article but it didn't have evr-ythingeI didn't find the kitchen sink!